琉金穗月

營業中

休息中

星期日難得唔駛做野，同老公拍下拖💟，睇下有咩新野試😋。。。話明試新野，就一定要去少去嘅地方。。。於是我決定去石峽尾，印象中，今次係我第2次踏足石峽尾。黎到石峽尾，一於扮下文青，走去賽馬會創意中心行一圈，第一次黎，感覺同PMQ差唔多。。。中心裡面嘅一角，就見到依間有少少復古，又有少少文青感覺的餐廳...... 叫左一個巴馬臣芝士蕃茄肉丸意粉，中規中矩，蕃醬似超級市場預製，肉丸似某連鎖傢俬店預製嘅，係應該可以自己煮到嘅味道.....另一個，廚師推介，今日推介嘅係明太子煙三文魚意粉，我鍾意啊。。。唔油，香，雖然簡簡單單，但唔會失色。。。跟住，我黎介紹seasonal signature drink，叫富士山，係碟豆花+豆奶。。。上面白色嘅係奶泡，下面就係加左碟豆花，第一次見，waiter哥哥話：落完糖會變色。。。好可惜，我失敗左，落完都冇變。。。傳說中，成功嘅話，會變左有幾層layer,唔同色。。。老公就叫左杯Latte，比較細杯！唔知依間鋪係唔係由年青人開。。。不過由寫單，煮野食，整野飲，洗碗都係由5個年青人包辦，一人分析幾角。。。有夢想，努力實踐，加油啊…支持你地！