海景粥店茶餐廳 (已結業)

海景呢個地方，偶然食lunch都會同同事黎食，今日都唔例外。海景可以話係多元化既茶記，俾客既選擇都好多下，粥粉麵飯米線都有，又有午市套餐常餐等。平時我都會食下佢啲酸辣米線同常餐既，但今日見佢既午市套餐都幾吸引，所以叫左豬扒絞伊麵。wow，好大碟丫!!!一食落口又幾有鑊氣喎!!!豬扒既數量又幾多喎，味道都幾好食。伊麵同豬扒又幾夾喎!!!不過呢，有小小油左啲，如果少油啲會好啲啦。茶記既奶茶應該都唔錯既，而海景既茶同奶既分量都Ok既，飲落口都幾滑，不過不失啦。偶爾放縱下，食下啲地道既茶記都不失為一個好既選擇。味道價錢都合理既。