吞POT 雞煲火鍋.住家菜 (山林道) (已結業)

一排冇去經過山林道裏頭，完全尾段多咗幢新食廈，進駐嘅大部份都係啲貴價餐廳，而今次食呢間高質邊爐仲有埋雞煲食添✨重點係openrice仲有好多優惠可以用！個雞煲唔係普通料，有好幾款可以揀，我地就揀咗呢個螺片花膠雞煲，雞煲本身俾人嘅印象都係辣同熱氣，而呢個唔單只唔熱氣，仲好潤好補添，除咗新鮮雞肉之外，仲有好多螺片同花膠，飲埋個湯即刻覺得連皮膚都靚咗❤️除咗雞煲之外仲叫咗個十全大寶丸，玩哂食字咁好搞笑😂 五款手打丸各具特色，三款墨丸中有好鮮嘅蟹粉、有疑似咸蛋嘅重口之選黃金海膽、仲有好香gas味嘅黑松露墨魚丸✨ 另外兩款芝心牛丸咬落爆芝好滿足，同埋最癲嘅鵝肝蝦丸，真係有粒鵝肝響入面㗎😍其實成完成煲雞加一堆丸之後都已經有啲飽，再叫多個自家炸魚皮，炸得夠哂鬆脆，響個花膠湯輕輕一浸即食，帶濕潤之餘又保留其脆感，好正囉🤣