影片
更多
2016-11-17
1668 瀏覽
因為餐廳名字而愛上這家食店一直都鍾意食生蠔，但食嚟食去都係嗰幾種，當在元朗遇上蠔魔，才發現原來仲有咁多款蠔架之前只會去元朗食，因為近我嘛今次去咗九龍城，雖然同一集團，但食物都有啲分別！當然生蠔一樣咁新鮮同好食啦今次同奶奶、姑奶一行五人，先嚟我必食嘅Namibia、Gillardeau，再加咗隻Fleur Des Eaux。奶奶唔鍾意海水味重，所以納米比亞好啱佢，佢仲要話好鮮又好食。隻隻都肥嘟嘟，口感超爽滑。Gillardeau就為人熟悉，味道鮮甜，肉質結實有彈性。Fleur Des Eaux又名水中花，其實我唔知點解佢叫水中花，但又係因為佢個名所以叫呢個比前兩款海水味重，細滑清新，都唔錯。每人食咗三隻後唔夠喉再叫咗Zeeland Pearl同Ostra RegalZeeland Pearl蠔身稍為大集肥美飽滿，肉質微脆，帶點層次感的甜味。海水咸味適中，蠔味很好。本來姑奶話呢隻最好食，但當食埋下一隻就……Ostra Regal係侍應介紹，肉質厚身肥美，味道豐厚。海水味適中（對我嚟講）， after-taste留在口中很久。講完生蠔就到其他食物，因為我兩間都食過，容許我為大家講下兩間分別，
一直都鍾意食生蠔，但食嚟食去都係嗰幾種，當在元朗遇上蠔魔，才發現原來仲有咁多款蠔架
之前只會去元朗食，因為近我嘛今次去咗九龍城，雖然同一集團，但食物都有啲分別！當然生蠔一樣咁新鮮同好食啦
今次同奶奶、姑奶一行五人，先嚟我必食嘅Namibia、Gillardeau，再加咗隻Fleur Des Eaux。
奶奶唔鍾意海水味重，所以納米比亞好啱佢，佢仲要話好鮮又好食。隻隻都肥嘟嘟，口感超爽滑。Gillardeau就為人熟悉，味道鮮甜，肉質結實有彈性。
Fleur Des Eaux又名水中花，其實我唔知點解佢叫水中花，但又係因為佢個名所以叫呢個比前兩款海水味重，細滑清新，都唔錯。
每人食咗三隻後唔夠喉再叫咗Zeeland Pearl同Ostra Regal
Zeeland Pearl蠔身稍為大集肥美飽滿，肉質微脆，帶點層次感的甜味。海水咸味適中，蠔味很好。本來姑奶話呢隻最好食，但當食埋下一隻就……
Ostra Regal係侍應介紹，肉質厚身肥美，味道豐厚。海水味適中（對我嚟講）， after-taste留在口中很久。
講完生蠔就到其他食物，因為我兩間都食過，容許我為大家講下兩間分別，其實就各有特色。
先嚟個必叫小食「蒜頭包」兩間的蒜頭一樣煎焗得好好，無咗蒜的辣味，將蒜泥壓在包上食，好香又好夾。元朗店包金黃香脆，九龍城包上醬較多蒜香味重但包身不夠脆口。
茴香忌廉藍青口，茴香味香濃，青口嫰滑，仲可以用包嚟點汁食，正。元朗店茴香味較重，大廚應該加咗小許黑椒碎，就變得更惹味。九龍城雖然忌廉味重但無蓋過茴香味，而因為忌廉多咗個汁會比較杰同更細滑。
唔記得咩芝士蕃茄Pizza，第一次在這食店吃Pizza, 都唔知叫邊個好，侍應就話我哋叫咗好多肉，不如清清地要個芝士蕃茄。佢哋用薄批個邊好脆，芝士加蕃茄一向係Pizza傳統配搭，一定無輸，芝士味重，佢用咗蕃茄乾放喺上面食起嚟會令人減輕罪惡感而且更覺清新。
鐵板乳豬仔，之前在元朗食過肉可能較熟所以唔夠嫰滑。但九龍城呢個好嫰滑，而且肉汁多，點少少海鹽更加好食。
慢煮牛筋骨：呢個都第一次叫，無諗過可以做到瘦嘅唔硬仲要好嫰好多汁，肥嗰邊啲肥膏入口一啲都唔覺油，推介之選。
羊架：元朗店煎得外面金黃入面多汁，但九龍城就未能做到這點，這個就有點失望，但味道還可。
到我一直期待的甜品，魔鬼朱古力同蘋果撻一樣咁好食。但個心太軟，雖然超級流，但個表面好薄唔似蛋糕亦都做唔到外脆的感覺。個心啲朱古力超多加超流，變咗好似飲朱古力湯咁，但可能我鍾意朱古力，又覺得咁食幾得意喎，可惜姑奶就唔鍾意。
另外推介下佢支酒，唔太貴，配蠔一流，容易入口，女仔都好啱飲。
張貼
