影片
更多
2023-04-17
1207 瀏覽
今日同朋友去食OmakaseBook嘅時候話有房我哋仲以為係4個人一間房咁有Privacy點知原來係8個人一齊食不過師傅好好會同我哋傾吓偈同埋好認真咁講解食材首先係靜岡蕃茄冰菜配淡雪鹽蕃茄酸酸地咁好開胃冰菜口感好得意咬開脆卜卜咁--左口魚刺身中間有啲青檸啫喱右邊係左口魚裙邊咬開油脂味好重活赤貝刺身爽口鮮甜北海道象拔蚌刺身大隻厚肉唔洗加任何嘢已經好甜加埋Wasabi豉油就更加鮮甜--龍蝦刺身肉身咬開好爽口好清甜嘅味道螢光魷魚茶碗蒸呢個係2月限定嚟因為螢光魷魚唔係每個月都啱季節我哋就咁啱撞到尾水食到螢光魷魚唔算特別爽口不過醃製完有少少鹹而呢個少少鹹加落茶碗蒸度就啱啱好第一次食呢個配搭又幾夾架喎和牛他他個造型好得意呀有隻熊仔係上面用嚟盛住啲和牛他他咁食熊仔仲有我最鍾意嘅藍色添💙和牛他他入面仲有啲黃蘿蔔整體感覺好甜而且好滑磯煮鮑魚鮑魚軟硬程度適中醬汁用甜豉油同昆布製成唔會太濃味中拖羅加魚子醬一啖食晒都覺得自己奢侈🤭兩者岀奇地夾中拖油脂分布平均咬開魚子醬更可以輕輕減低整體個油膩感--九洲鯖魚鯖魚有輕輕燒過食落比想像中油膩魚油爆晒岀嚟好彩有脆脆嘅紫菜中和返--深海池魚 呢個係最後一款刺身係深海池魚
Book嘅時候話有房
我哋仲以為係4個人一間房咁有Privacy
點知原來係8個人一齊食
不過師傅好好
會同我哋傾吓偈同埋好認真咁講解食材
首先係靜岡蕃茄冰菜配淡雪鹽
蕃茄酸酸地咁好開胃
冰菜口感好得意
咬開脆卜卜咁
--
左口魚刺身
中間有啲青檸啫喱
右邊係左口魚裙邊
咬開油脂味好重
活赤貝刺身
爽口鮮甜
北海道象拔蚌刺身
大隻厚肉
唔洗加任何嘢已經好甜
加埋Wasabi豉油就更加鮮甜
--
龍蝦刺身
肉身咬開好爽口
好清甜嘅味道
螢光魷魚茶碗蒸
呢個係2月限定嚟
因為螢光魷魚唔係每個月都啱季節
我哋就咁啱撞到尾水食到
螢光魷魚唔算特別爽口
不過醃製完有少少鹹
而呢個少少鹹加落茶碗蒸度就啱啱好
第一次食呢個配搭
又幾夾架喎
和牛他他
個造型好得意呀
有隻熊仔係上面
用嚟盛住啲和牛他他咁食
熊仔仲有我最鍾意嘅藍色添💙
和牛他他入面仲有啲黃蘿蔔
整體感覺好甜而且好滑
磯煮鮑魚
鮑魚軟硬程度適中
醬汁用甜豉油同昆布製成
唔會太濃味
中拖羅加魚子醬
一啖食晒都覺得自己奢侈🤭
兩者岀奇地夾
中拖油脂分布平均
咬開魚子醬更可以輕輕減低整體個油膩感
--
九洲鯖魚
鯖魚有輕輕燒過
食落比想像中油膩
魚油爆晒岀嚟
好彩有脆脆嘅紫菜中和返
--
深海池魚
呢個係最後一款刺身
係深海池魚嘅腩位
爽口清甜
一啲都唔腥
好易入口
--
伊佐目壽司
咬落有啲黏黏嘅感覺
但唔算好重味
幾甜又易入口
--
北海道活帆立貝壽司
鮮甜又厚身
仲有淡淡嘅檸檬清香
可以做到Refresh嘅效果
--
牡丹蝦壽司
蝦肉晶凝通透
而且蝦身好厚好甜
海膽松葉蟹肉蟹膏壽司
兩樣鮮甜嘅食材放埋一齊就更加鮮甜
唔會話邊一樣會好搶味
蟹肉加強咗個口感
海膽入口即溶
北海道櫻樽魚
呢個係三文魚嗰科
用咗醬油漬嘅做法
唔會好鹹
食落仲有陣甘香
仲要係三月限定嚟
大拖羅壽司
超級肥美
魚油勁香濃
食完全個口都充滿住魚嘅油脂香
實在太正了
--
赤身醬油漬壽司
睇住師傅即場輕輕醃咗一醃
唔會太鹹
十分好
相對上亦都無咁油膩
肉質比較結實
有魚嘅鮮甜
呑拿魚皮下脂魚蓉加海膽
有得揀分做2件壽司或者加埋做1件手卷
我就揀咗放埋一齊做手卷
兩樣入口即溶嘅嘢放埋一齊咁食真係好正
吞拿魚蓉嘅魚油脂香加上海膽嘅鮮甜
呢個配撘真係無得輸
下面啲飯可以做返一個中和
令到唔會有好膩嘅感覺岀現
紫菜都脆卜卜
龍蝦雜炊
唔係好見到粟米
但就食到有粟米味嘅清甜
-
龍蝦湯
入面加咗味淋同清酒
無好多嘅調味同配料
所以個湯睇落都好清
加上有龍蝦一齊煲
特別鮮甜
--
福岡士多啤梨配黑糖蕨餅
嚟到最後甜品嘅部份
士多啤梨大粒同甜
黑糖蕨餅都幾煙韌而且唔會太甜
食完就好滿足了
今晚得1個師傅
真係辛苦晒佢了
張貼
