韓閣 (已結業)

餐廳裝修採用了夢幻森林主題，好似置身於童話世界裏面。 座位頗大，坐得相對舒服, 亦都有適合中意獨自一人食飯嘅bar檯可以選擇。 落單嘅方式係用QR Code, 非常方便。三兄弟無骨鷄翼芝士鍋單係睇賣相已經開始流曬口水。有雞塊同雞翼，中間又有芝士，拌菜有泡菜、蘿蔔乾、酸青瓜。雞肉就咁食已經已經非常夠味，外皮炸得非常之脆亦都唔會話太厚。可以點上拉絲芝士食，又係另一番風味。蟹將軍一人鍋裏面有新鮮蟹、青口、蜆、蟹柳、韓式餃子、大魚串。有兩種湯底嘅選擇，分別係海鮮辣湯同海線清湯。呢d海鮮有一股海水味，鮮味十足。加上湯底夠辣，搭配完美。韓國米酒以茶壺同碗上，好得意。入口甜甜地仲有小小奶味同酸味，就算平時唔鍾意酒味既朋友都會覺得順口。