滾得棧 (已結業)

放工同朋友係附近打邊爐, 平時經過都好多人, 今日一放工即刻走去, 哈哈....終於可以食到啦, 原來仲有上層既, 而家仲好寬敞TIM. 一坐低有禮既店員介紹我地先食D小食, 哈哈...我地選左墨膠釀油條, 嘩....堅好食, 熱辣辣, 又脆卜卜, 而且D墨魚膠仲好彈牙TIM呀, 又唔會油膩, 讚!! D ORDER 紙仲好特別TIM呀, 好似D報紙咁, 好得意.鍋底我地選左味菜胡椒豬肚湯底拼蕃茄薯仔湯, 堅足料, 豬肚湯個邊仲有馬蹄TIM呀.打邊爐點可以無肥牛食架, 我地叫左招牌手切牛頸背, 見到都知正, 雪花豐滿, 食落牛味都幾濃, 口感又夠淋.跟住仲叫左桂花蚌, 夠哂新鮮, 口感爽口鮮甜.仲有點少得炸魚皮呀, 浸湯食又得, 就咁食又得, 唔會有油益味.跟住仲叫左個好有特色既丸, 就係象拔蚌丸, 象拔蚌本身已經好爽口鮮甜, 再加埋D蟹籽, 口感仲更加豐富.