夏茶 (元朗千色匯)

營業中

休息中

我係開心果fans，一直都幾鍾意夏茶開心果系列，之前試過幾款都好正。不過今次幫襯完，應該無下次啦。我試過開心果芝士椰椰，椰青水同開心果味都好突出，飲落真係好開心。開心果芝士鮮奶都好濃味，之前每次飲都覺得非常好，不過今次試開心果芝士雪沙就極度失望！雪沙好似溶溶地，感覺唔夠清爽，而開心果芝士味道一嚟少二嚟都唔夠濃，完全冇之前嘅水準。之前飲過嘅開心果系列雖然細杯啲，價錢唔平，但好飲就值得，讓人期待再回購。不過今次呢杯成50蚊，結果係唔夠味，真係令人失望。我希望你地可以keep番之前嘅水準，改進產品質素，重拾消費者對你地嘅信心，讓我哋可以再次享受到開心果系列的美味！希望你們可以聽到顧客的心聲，讓我們有更好的體驗！