影片
更多
2025-03-09
144 瀏覽
講起麵包，就要提「Fresh Fresh Bakery簡品堂」呢間麵包舖愈開愈多分店，喺各大關注亦經常出現，人氣直線上升🔥 店舖長期大排長龍，事關烘焙產品款款做到精緻，由麵包到甜點都係打卡必備😚近排喺香港嘅開心果熱潮持續席捲全城，簡品堂都推出多款開心果產品，作為開心果狂熱份子，點可以錯過？一於揀幾款店中熱賣嘅開心果產品嚟試試‼️開心果QQ每盒有2粒脹卜卜嘅麻糬QQ球，見到面層已經落足料，係開心果醬黐住啲香脆嘅開心果粒粒，鋪到成個表面都係💁而咬開係啱啱好嘅煙韌程度，口腔充滿開心果嘅香氣，係真正嘅綠色誘惑💚杜拜開心果脆脆QQQQ球面頭係脆卜卜嘅麵絲脆脆，由咬落去嘅第一下脆響，到煙韌Q彈嘅麻糬，兩種質感一次過喺個口中爆發，真係要試試佢呢🤘開心果手唧曲奇店內嘅手唧曲奇有超多款式，樣樣都想試，揀咗開心果味，每一塊都感受到手工嘅誠意，開心果陣味真係由頭香到尾，令人有種停唔到口嘅感覺～想搵份靚禮物送俾朋友，又或者想喺下午茶時間嘆返件精緻甜品，呢款開心果手唧曲奇絕對係一個好選擇💕開心果糯米糍入面嘅開心果餡料係勁爆滿，幾重口感疊加：軟糯外皮名符其實超軟熟，加上果碎及脆脆，一浪接一浪😮抹茶脆脆糯米糍口感層次
講起麵包，就要提「Fresh Fresh Bakery簡品堂」呢間麵包舖愈開愈多分店，喺各大關注亦經常出現，人氣直線上升🔥 店舖長期大排長龍，事關烘焙產品款款做到精緻，由麵包到甜點都係打卡必備😚近排喺香港嘅開心果熱潮持續席捲全城，簡品堂都推出多款開心果產品，作為開心果狂熱份子，點可以錯過？一於揀幾款店中熱賣嘅開心果產品嚟試試‼️
開心果QQ每盒有2粒脹卜卜嘅麻糬QQ球，見到面層已經落足料，係開心果醬黐住啲香脆嘅開心果粒粒，鋪到成個表面都係💁而咬開係啱啱好嘅煙韌程度，口腔充滿開心果嘅香氣，係真正嘅綠色誘惑💚
杜拜開心果脆脆QQQQ球面頭係脆卜卜嘅麵絲脆脆，由咬落去嘅第一下脆響，到煙韌Q彈嘅麻糬，兩種質感一次過喺個口中爆發，真係要試試佢呢🤘
開心果手唧曲奇店內嘅手唧曲奇有超多款式，樣樣都想試，揀咗開心果味，每一塊都感受到手工嘅誠意，開心果陣味真係由頭香到尾，令人有種停唔到口嘅感覺～想搵份靚禮物送俾朋友，又或者想喺下午茶時間嘆返件精緻甜品，呢款開心果手唧曲奇絕對係一個好選擇💕
開心果糯米糍入面嘅開心果餡料係勁爆滿，幾重口感疊加：軟糯外皮名符其實超軟熟，加上果碎及脆脆，一浪接一浪😮
抹茶脆脆糯米糍口感層次分明，軟綿綿嘅外皮包住脆脆嘅surprise，仲要係抹茶控最愛嘅純正抹茶味！抹茶香氣陣陣撲鼻，甜度適中，沖杯暖暖哋嘅綠茶配嚟食更正🤤
開心果糖獨特嘅堅果香配埋淡淡嘅鹹香，口感極之鬆脆，甜度control得好好，又唔會點黐牙👍加上靚靚嘅天然綠色，自用送禮都咁正，連平時唔食堅果嘅屋企人都紛紛投降😂
張貼
