簡品堂

營業中

休息中

早排經過依間麵包舖見到大量開心果產品，作為開心果控，當然要買啲嚟試啦😍首先必推開心果麻糬QQ，$18 一盒有兩粒，麻糬好煙韌，咬落去開心果香味濃到不得了，仲有粒粒碎果仁，口感超豐富！杜拜開心果脆脆朱古力麻糬QQ都唔輸蝕，朱古力脆皮咬落卜卜脆，夾埋軟糯麻糬同開心果餡，層次感滿分！開心果手唧曲奇一打開就香到暈，好酥脆；$12兩粒嘅開心果糯米糍，皮薄咬落好軟熟。焙茶脆脆糯米糍都好有特色，焙茶香濃又唔會太甜，餡料多到好似要爆出嚟！而脆咔咔可頌真係無得輸，全店人氣第一，酥皮層次分明，脆到食完成手都係碎屑！開心果糖$78一盒，好香脆，每粒都有麥芽糖痴住大量開心果粒，粒粒都好足料，總之全部都值得試！評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺簡品堂天后電氣道22-52號金殿大廈地下13號舖📍天后港鐵站A2出口1分鐘路程#healingbobo #foodie #hkfoodie #foodiehk #香港 #美食 #銅鑼灣 #CWB #天后 #tastebetter #香港必食 #銅鑼灣美食 #打卡美食  #美食天花板 #寶藏餐廳分享 #銅鑼灣好去處 #