影片
更多
2025-03-06
2154 瀏覽
臺北棧今次要介紹一間喺尖沙咀港威商場有一間台灣菜餐廳叫「臺北棧」，輪椅人士要預留多少少時間去呢間餐廳，因為要搭「升降台」，要商場職員用鎖匙開先可以用，大約要預早15至20分鐘，去到「臺北棧」餐廳入面所有店員都好nice，佢哋會介紹熱門菜式比我揀，最吸引我就係開心果麻薯蛋撻，鍾意食開心果嘅你不妨試下啦！1. 酸辣牛肉麵$128（9/10）呢碗酸辣牛肉麵個麵揀咗台灣寬粉絲，寬粉絲晶瑩剔透，彈牙又吸哂酸酸辣辣嘅牛味濃湯，酸酸辣辣好過癮，仲放咗大量蟲草花，三大塊肉質好軟淋嘅牛肉，整體份量都算多，唔錯！2. 松露滷肉飯$85（8.5/10）呢碗松露滷肉飯有淡淡松露味，滷肉汁唔會過咸又唔會過甜，不過滷肉嘅肉比較硬咗少少，唔夠肥美，飯非常軟熟，有飯味香，仲有半隻溏心蛋，唔錯！3. 開心果麻薯蛋撻$65（10/10）呢一個開心果麻薯蛋撻上面真係勁多開心碎，切開入面仲見到一層好厚嘅麻薯同開心果醬，開心果醬係採用100%意大利開心果醬，而開心果碎就係用咗美國開心果，咬落有三層口感，滿口充滿了開心果味，必叫之選！4. 開心果芋泥糊$68（9/10）呢一碗芋泥糊成碗都係芋泥，仲有一小兜開心果碎，開心果碎係用咗
今次要介紹一間喺尖沙咀港威商場有一間台灣菜餐廳叫「臺北棧」，輪椅人士要預留多少少時間去呢間餐廳，因為要搭「升降台」，要商場職員用鎖匙開先可以用，大約要預早15至20分鐘，去到「臺北棧」餐廳入面所有店員都好nice，佢哋會介紹熱門菜式比我揀，最吸引我就係開心果麻薯蛋撻，鍾意食開心果嘅你不妨試下啦！
1. 酸辣牛肉麵$128（9/10）
呢碗酸辣牛肉麵個麵揀咗台灣寬粉絲，寬粉絲晶瑩剔透，彈牙又吸哂酸酸辣辣嘅牛味濃湯，酸酸辣辣好過癮，仲放咗大量蟲草花，三大塊肉質好軟淋嘅牛肉，整體份量都算多，唔錯！
2. 松露滷肉飯$85（8.5/10）
呢碗松露滷肉飯有淡淡松露味，滷肉汁唔會過咸又唔會過甜，不過滷肉嘅肉比較硬咗少少，唔夠肥美，飯非常軟熟，有飯味香，仲有半隻溏心蛋，唔錯！
3. 開心果麻薯蛋撻$65（10/10）
呢一個開心果麻薯蛋撻上面真係勁多開心碎，切開入面仲見到一層好厚嘅麻薯同開心果醬，開心果醬係採用100%意大利開心果醬，而開心果碎就係用咗美國開心果，咬落有三層口感，滿口充滿了開心果味，必叫之選！
4. 開心果芋泥糊$68（9/10）
呢一碗芋泥糊成碗都係芋泥，仲有一小兜開心果碎，開心果碎係用咗美國，特別新鮮脆口，食完芋泥糊真係飽到上心口！
5. 鹹蛋黃芋泥球$78（9/10）
呢一碟一共有5粒鹹蛋黃芋泥球，每一粒都外脆內軟，入面係滿滿芋泥，出面黃色一點應該就係鹹蛋黃醬，鹹蛋黃唔算太咸，唔會搶過芋泥嘅香，唔錯！
6. 三色鹽酥雞$128（9.5/10）
點解叫做三色鹽酥雞係因為有三種醬汁可以比你點嚟食，第一種醬汁係黑松露，第二種係柚子，第三種係冬陰功，一碟入面有6大舊炸雞，炸雞炸到外脆肉嫩，非常好食！
7. 髒髒鹹蛋黃芋泥蛋餅$88（10/10）
呢碟鹹蛋黃芋泥蛋餅入面個餡料非常豐富，食落有滿滿芋泥，鍾意食芋泥嘅你一定要試下啦！
8. 宇治抹茶牛乳$55（10/10）
呢杯宇治抹茶牛乳顏色好分明，白色同綠色係分開，牛乳非常香滑，宇治抹茶非常香濃，味道帶苦甘，非常好飲！
9. 芭樂苦瓜汁$52（9/10）
呢杯芭樂苦瓜汁最初以為會好苦，原來芭樂同苦瓜係咁夾，芭樂嘅微甜夾埋苦瓜嘅微甘，好唔錯！
2人總共價錢$822，其他有加一服務費！
個人口味總評分：9.33/10
@checkintaipeihk
地址：尖沙咀廣東道3-27號海港城港威商場2樓2204-6號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#臺北棧 #台灣菜 #香港美食 #尖沙咀美食 #尖沙咀好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
