炑八韓烤 (屯門市廣場2期)

營業中

休息中

哈哈，話咁快又放完個暑假，又要收拾心情返學LUU~老媽子算係幾有我心，喺小弟開學之前同我出街食返餐好，就近近地屋企附近間韓燒啦！阿媽都好狼死，人地D前菜沙律任食，佢就真係唔洗本咁狂食，見佢食得咁HAPPY，小弟倍感安慰~小弟叫左個芝士熔岩飯($128)獨食，見到個熱辣辣既泡菜炒飯畀勁爆多芝士圍住，真係無得輸，仲用鐵板上，炒勻晒黎食真係一流，睇到芝士拉絲既效果，非常邪惡，而且分量十足，食到渣都無得淨~@@!阿媽好少食韓國菜，我就叫佢食D最正路最傳統既野─石頭鍋飯($118)，包無死錯人~飯上面 舖滿蘿蔔絲、泡菜、昆布、青瓜絲、芽菜、牛肉絲舖於鍋面，仲有隻窩蛋，我教阿媽撈好先食，唔洗咁心急，佢見到五顏六色已經勁流口水，加埋D韓式辣醬食更加滋味。野飲方面，阿媽見到呢杯野已經勁心心眼話一定要飲，大大朵菊花插係度既菊花梳打($32)，我諗都係主打比女人飲，老媽子話味道自然唔太甜，喝起黎喉嚨幾舒服喎，好適合食完熱氣野之後飲。我就整左杯魔法梳打($32)，味道酸酸甜甜好特別，從來未飲過呢種味，以為係提子味或者黑加侖子味，但又唔似喎，加D檸檬汁入去仲會有變色效果，極特別，味道都幾純，唔會好人工好假~食