越式阿肥美食 (已結業)

不嬲知阿肥啲越式野同埋啲呀姐態度差出名，好耐冇食，今日黎嗌外賣，呀姐仍然好惡！叫左香矛豬扒飯、四寶飯同一客牛油雞奕。我個香矛豬扒飯啲豬扒，實在太太太乾啦！好似翻炸過咁，又硬又un。我直頭食唔哂啲豬扒，因為咬到好攰。朋友個四寶飯我冇食，比唔到comment. 最後牛油雞奕係唯一拉分嘅地方，雞奕隻隻大隻，漲卜卜。外脆，雞肉又好滑。一咬啲牛油走哂出黎，好香口。不過就真係好肥！