素來素往 (已結業)

以前一向覺得素食就係唔會食得飽，啲嘢全部煮得好清淡，直至到我嚟依度試咗素食放題之後，真係改觀晒。原來食素都可以食得咁開心。嗰日我同朋友兩個去食午餐放題，$75已經包埋加一，真係超平，平時一碗譚仔加小食嘅價錢就可以食到放題，所以我哋就膽粗粗試吓。食物種類多元化，當中前菜我就最鍾意涼拌海蜇椰菜絲😜🥗涼浸浸啱晒夏天食，好重麻油味，有少少韓式炒粉絲嘅感覺😍主食方面我最深刻就係北京填鴨，個樣呃到人之餘仲要好好食。我同朋友食完都好滿意，一定會二訪。