百好名宴

營業中

休息中

四個人嚟食晚餐，叫咗一隻五斤重長腳蟹，兩隻大嘅瀨尿蝦，同埋一個特價片皮鴨。自己揀咗只好生猛嘅長腳蟹，啲肉質好鮮甜，不過啲羔流曬出嚟，佢應該反轉嚟蒸會好啲，浪費曬啲蟹羔，但隻蟹都好多肉，而且非常甜美。瀨尿蝦分兩種，有中同大size，大嘅128一隻，但真係好大隻，好多肉，同埋勁多膏，的肉頂殼，味道亦都甜美，絕對抵過去西貢食。片皮鴨性價比最高，$78一碟，另外加$10可以外賣攞埋個鴨殼走，鴨殼上面都仲有好多肉，攞返屋企可以起肉炒菜或者成隻攞嚟煲粥。四個人去食加支大啤，埋單都係千五蚊。