✨冷盤、刺身
一行入餐廳就會見到滿滿嘅長腳蟹，連同凍蝦、青口以及蜆肉放埋一齊，食落鮮甜！刺身亦都有三文魚腩、鯛魚、油甘魚、希靈魚以及甜蝦，其他Cold Cut都有包含在內，午餐黎講都算幾豐富。
✨日式熱食
今期主力有一系列嘅日本和食: 日式漢堡扒配珍珠米飯、清酒煮蜆、吉列豬扒、串燒、關東煮等等，必須要盛讚呢度嘅廚師非常貼心，見到我大住個肚，連漢堡扒都幫我煎得熟一啲(˶‾᷄ ⁻̫ ‾᷅˵) 米飯或者日式拉麵嘅份量完全唔係想填飽個肚，份量屬輕輕淺嚐！
✨熱食
極力大推黃金炸魚皮，蛋黃味超香！！！當然唔少得香港招牌點心，蝦餃同小籠包內餡肉汁好多；燒味都有色水夠入味。除咗港式嘅熟食，佢嘅燒烤類都好出色，特別係個蒜蓉烤生蠔，老公食足半打有多！！
✨甜品
配合返日本主題，更加有日本團子以及厥餅！！其他好似雞蛋仔、Oreo芝士餅、檸檬撻、芝士撻、泡芙都係一口size ，唔怕太甜太膩口！另外推薦佢嘅提拉米蘇，夠濕又夠啡味(・ω・)ノ
🍶啤酒任飲，紅白酒同清酒就要額外付款。
▫️Openrice 做緊午市55折優惠！！晚市都有65折啊！！？
