餃子冰室

營業中

休息中

長洲係咁多個離島入面最多野食既一個，特別係小吃，今次我去左試人氣餃子店 – 餃子冰室，一般餃子餡料得一款，就係韭菜豬肉，其他全部係比較創新既餃子餡，例如鹹蛋黃黃金餃、黑白土匪雞肉餃、五香芋頭臘腸餃、南乳豆卜餃等。大部份都可以揀蒸或者煎，仲係即叫即煮。全日餃子套餐可以揀一款指定餃子配飲品，飲品我地揀左四季春。黑白土匪雞肉餃係最多人點既，所以點都要試下，呢款得煎冇蒸。餃子上鋪左孜然粉同黑白芝麻，雞肉難做到牛肉豬肉咁juicy我都明既。煎餃係煎得好香脆，但食到第2粒已經覺得好熱氣，好彩有杯四季春。另一款係蔥爆牛肉餃，牛肉餃非常juicy，蔥味都好香，但因為入面出哂水，餃子皮就相對冇咁脆。