譚仔雲南米線 (長沙灣廣場)

營業中

休息中

今日無無聊聊經過深水埗譚仔，好似好耐未食過，就嚟個米線晚餐。點了一碗自選米線，三個餸，呢啲咪就係叫做自修三件。米線中規中矩一般水準，味道還好。配料方面，我選了冬菇、雞肉和竹笙，這三個搭配真是絕配。冬菇細細粒爽滑彈牙，雞肉大大塊好似食肉片咁，不過真係得兩三塊唔係好夠喉！竹笙中規中矩勝在狗長，正所謂竹笙長長心地善良，配埋落碗米線度又健康又好食。我選擇嘅係麻辣湯底，點了五小辣，呢個辣相信食過譚仔嘅都知道，深水埗5小同旺角5小已經係兩樣嘢，千祈唔好手痕叫個3小，一失手火燒後欄走唔甩。總而言之，落辣佢哋冇乜標準，以我經驗計叫5小冇走雞，保守得來夠穩陣，穩陣得來又有少少進取。配埋杯凍檸檬茶，解解膩，不過不失冇意見。配埋個細土匪雞翼，三隻呢個數量真係一條友食飯嘅黃金比例，布布冇陪我食飯，三隻就啱啱好。整體來說，這頓飯雖然算不上佳餚美食，但係譚仔坐得舒服，隨隨便便普普通通唔使用腦都算幾好食，價錢合理，下次有時間再嚟。