影片
更多
2023-05-04
894 瀏覽
最近發現Ig 好多人介紹一間長沙灣韓式餐廳，環境裝修好似韓國嘅澡堂咁。可以喺澡堂嘅位置打卡，咁得意當然約人去試試。<辣炒年糕> $148辣炒年糕入面嘅配料除咗年糕本體，仲有魚糕同埋鵪鶉蛋，辣度啱啱好，惹味得嚟無算好辣，年糕有嚼勁幾煙韌，分量正好可以同朋友分嚟食。<新沙洞招牌炸物拼盤 細份> $98炸物拼盤有炸芝士條、炸餃子、炸紫菜捲、炸蕃薯片同埋炸年糕腸仔串，香脆美味，加埋醬汁超夾，或者都可以好似韓國人咁點辣炒年糕醬食。<韓式水冷麵> $98天氣熱嘅時候叫水冷麵真喺好合適！湯底放咗唔少冰塊維持溫度，配料有雞蛋、青瓜絲、梨片等，湯底清涼，麵條有彈性，而且店家仲提供鉸剪方便剪嚟食，麻油香超重好地道。<晚市韓式豬肉包菜套餐> $376之前我喺韓國食過豬手一試愛上，見餐廳都有提供就叫嚟試下，成個套餐除咗有豬手之外，仲有炸雞、飲品兩杯。韓式豬手配生菜包2人份一個好大嘅盤裝咗好多菜，中間仲放咗青陽辣椒、醃蘿蔔同埋蒜片等配料，方便客人自行配搭生菜包，可以自己DIY夠HAPPY。蒜蓉豉油炸雞半份雖然冇雞腿或雞翼，但整體雞件juicy，同蒜
<辣炒年糕> $148
辣炒年糕入面嘅配料除咗年糕本體，仲有魚糕同埋鵪鶉蛋，辣度啱啱好，惹味得嚟無算好辣，年糕有嚼勁幾煙韌，分量正好可以同朋友分嚟食。
<新沙洞招牌炸物拼盤 細份> $98
炸物拼盤有炸芝士條、炸餃子、炸紫菜捲、炸蕃薯片同埋炸年糕腸仔串，香脆美味，加埋醬汁超夾，或者都可以好似韓國人咁點辣炒年糕醬食。
<韓式水冷麵> $98
天氣熱嘅時候叫水冷麵真喺好合適！湯底放咗唔少冰塊維持溫度，配料有雞蛋、青瓜絲、梨片等，湯底清涼，麵條有彈性，而且店家仲提供鉸剪方便剪嚟食，麻油香超重好地道。
<晚市韓式豬肉包菜套餐> $376
之前我喺韓國食過豬手一試愛上，見餐廳都有提供就叫嚟試下，成個套餐除咗有豬手之外，仲有炸雞、飲品兩杯。
韓式豬手配生菜包2人份
一個好大嘅盤裝咗好多菜，中間仲放咗青陽辣椒、醃蘿蔔同埋蒜片等配料，方便客人自行配搭生菜包，可以自己DIY夠HAPPY。
蒜蓉豉油炸雞半份
雖然冇雞腿或雞翼，但整體雞件juicy，同蒜蓉豉油味幾夾!!!
雪嶽山
呢個睇落去好靚，藍色夢幻好打卡。
熱柚子蜜
暖暖哋的柚子蜜。
提拉米蘇韓式牛角酥窩夫
忌廉香滑，面頭嘅手指餅浸滿酒液，不過小編對法式焦糖燉蛋味更有興趣，可惜個日冇提供呢。
張貼
