新沙洞澡堂 (已結業)

今日嚟到位於長沙灣附近嘅新沙洞澡堂食飯，聽個名就知道係韓式餐廳，呢間餐廳以各種韓式菜式聞明，都幾受人歡迎㗎。韓式豬肉包菜豬腩肉肥瘦均勻，入口充滿油香，肉質軟滑。除此之外，仲可以連埋其他配菜一齊包生菜嚟食，都算係一道幾有特色嘅食物。雪花芝士炸雞炸雞外皮香脆，雞肉唔會炸到冇晒肉汁，連埋上面嘅芝士粉一齊食，帶少少甜味，入口覺得好惹味啊。提拉米蘇牛角酥窩夫提拉米蘇嘅咖啡味道香濃，窩夫嘅份量都幾多，入口非常酥脆，有好香濃嘅牛油味。飲品藍甘橘白桃梳打依杯梳打嘅白桃味香濃，仲有少少甘橘嘅香味。整體來講，我覺得今餐嘅價錢都幾合理，加上食物分量又夠晒多，唔怪之得餐廳都幾受人歡迎。