南本草 (已結業)

之前食晚飯見到呢間cafe都幾靚，以草本涼茶為主題題材新鮮，仲要係寵物友善可以同🐱🐶一齊食🥹🥹把握最後一日中秋假過黎chill下～🐗叫左黑咖啡，而我試左d特色飲品🙈叫左Herbal Specialty嘅飲品——火麻仁拿鐵。呢杯飲品可以揀隻靚杯🥹🥹打卡真係一流🥹🥹跟左一粒甜杏仁配合返杯飲品。味道其實係杏仁奶，用左燕麥奶調配感覺輕盈d💕我地亦叫左兩款主食，🐗非常鍾意雞絲檸檬涼麵，酸酸地非常清新，🐗話係佢鍾意嘅味道🤤🤤冷麵汁味道豐富而輕盈，涼麵同配料夠凍，好適合今日天氣食（體感溫度39.5度🥵）另一款叫日簡五品，係二選一款小碟主菜+五選二碟配菜+玉子燒+飯團共五小碟。配上六角形盤又係一款好啱打卡嘅食物🥹🥹主菜我揀左日式燉豬軟骨，燉煮得好入味，配飯適合。配菜揀左櫻花蝦千層豆腐同高纖五目煮。千層豆腐係福袋嘅豆皮，味道甜甜地配櫻花蝦增加咸香。另外一款配菜有蒟蒻結、冬菇同蓮藕，清新而味道豐富。𝗣𝗶𝗰𝘁𝘂𝗿𝗲𝗱 𝗜 𝗵𝗮𝗱 📸🍽 鹽漬櫻花雞絲。檸檬涼麵 $78🍽日簡五品 $119🍽火麻仁燕麥奶拿鐵 $49🍽Black Coffee(Hot) $49