The Story Cafe and Bakery

營業中

休息中

今晚同朋友收工食飯，成八點半後先去青衣城食，揾咗呢間，未食過。入座時間約20:50分。立即落單，一份肉眼扒鐵板跟薯菜，一份吉列魚什扒意，唔使六分鐘先上鐵板，但冇薯菜，問職員回應冇晒，更主動扣減薯菜差額，這個還好。而肉眼鐵板睇真啲，卻仲有血紅，似6成熟，唔接受，叫職員處理過熟啲，時間超快唔使3分鐘，上枱一看，由原來鐵板上變咗普通膠碟上，碟上原有洋蔥消失咗，扒係比原先熟咗2成，呢個可接受，而食鐵板原意要熱辣辣口感保持，但換成膠碟失咗保溫，餐廳冷氣又比較大，扒身好快變得韌，算啦，味道仲可以。之後到吉列魚意粉上(時間21:04)，味道還可以，而那時職員說用餐時間只能去到21:35，乜話，食物剛上時間要30分鐘食完走，佢原來收21:30，咁45分鐘前入座點解唔早講，仲上菜時先講，我話時間太短冇可能，但佢哋話有職員失職唔記得提醒，可以比我哋食多10分鐘😏算了，再點咗俩杯跟餐凍檸蜜飲，超快到(趕收工)，味道還好。最後食到21:56分先離開，基本1小時用餐，以後入餐廳真係要問清楚用餐時間，依家店唔會有下次😑