味滿

營業中

休息中

天后站附近都幾多嘢食，入咗間叫「味滿」食晚飯，因為係門口睇餐牌嘅時候見到個 ’麻辣牛筋’ 就吸引咗我入去幫襯。叫咗碗麻辣牛筋湯麵、醒胃炸醬撈麵、脆脆炸兩、香茅豬扒同埋酥炸鯪魚球。麻辣牛筋湯麵 - 牛筋好淋好入味，辣度對我來講啱啱好，唔會辣到食唔到，好食👍🏻。醒胃炸醬撈麵 - 呢個都有少少辣，味道酸酸甜甜，真係好醒胃，我都鍾意😋。脆脆炸兩 - 食第一舊炸兩覺得𥚃面嘅油炸鬼好新鮮，所以好想叫條油炸鬼食，不過今次叫得太多嘢，下次先。香茅豬扒 - 香茅味濃，豬扒唔乾。酥炸鯪魚球 - 同蜆介醬簡直係絕配。