潮牛腩

營業中

休息中

如果唔係有朋友介紹，真係唔識嚟呢度食嘢。唔係位於大街嘅舖頭，食物一定要出色，先至會吸引到客人自己嚟。呢度睇個名，顧名思義一定食佢嘅牛腩，於是乎食咗個人氣「清湯牛筋腩飯」，個湯好好飲，有好多香蔥，牛腩牛筋各一半，牛腩煮得好腍，再加上白蘿蔔，真係絕配。份量好足料，由於太好味，食到一粒飯都冇剩，食到飽飽。另外試咗個咖喱牛脷，牛脷又係煮得好腍，好大塊又夠厚，薯仔亦都煮得好腍，加上個咖喱煮得好香，撈飯食，又係全碗飯清晒。另外試咗佢哋個例湯，今晚係青紅蘿蔔，如果跟餐叫就平$10 ，都值得一試。