鍋心粥底火鍋 (順寧道)

營業中

休息中

呢一年都食咗幾間粥底火鍋店，鍋心俾到我最穩陣最抵食既感覺。 點解? 二百蚊一位，有幾款生猛靚海鮮食，作為食客真係無得要求更多，抵食到爆啦。呢到分三段時間入座 (分別係1745,2030同2300)，因為趕唔切1800，所以今日就揀咗2030，同兩位朋友一齊食。講返食物先呢到指定咗幾款海鮮，又大份又新鮮，當中有鮑魚，魷魚，貴妃蚌，海蝦，多寶魚。 特別要留意既係，呢到啲蝦生猛到識跳起，我地放咗落鍋之後佢仲識紮紮跳，你話犀唔犀利先。咁除咗食佢幾款海鮮以外，仲可以自選多8樣配料，比較值得推介有雞骨丸、肥牛、梅頭肉，其實樣樣都唔差，不過我既重心係上面3款。 鍋心係無飲料跟既，要自己俾錢嗌，都係可樂啤酒呢啲大路野啦，咁開心，呢晚同朋友都隊咗幾枝啤酒。