8鍋臭臭鍋 (謝斐道) (已結業)

酸辣羊肉鍋 湯底紅卜卜 可以因應個人口味選擇唔同辣度 分為大中小辣 配料相當豐富 包括:娃娃菜，羊肉片， 翡翠魚腐，酸菜，米血糕，甜不辣，魚蛋，木耳……不能盡錄 湯底味道酸酸辣辣 開胃非常 真係有好多酸菜係入面 呢個天氣咁悶熱 最啱就係食啲酸酸味味嘅嘢 冰豆腐完完全全吸收咗湯底嘅精華 一咬落去有爆汁嘅效果 軟綿綿嘅口感 好吃由於餐廳嘅羊肉片實在太好吃 所以我另外追加一份 就是喜歡這種羊騷味 肉質鮮嫩 又唔嚡口 厚薄切得非常平均 非常推薦每個火鍋都可以選擇粉絲或者白飯 稍為有啲要求的 可以加錢轉滷肉飯 滷肉飯的滷肉及醬汁是靈魂之處 非常入味而且濃郁 香而不膩 味道相當正宗小食方面叫咗個麻辣臭豆腐 聞落去真係臭臭的 但係食落一啲都唔臭 同香港嘅臭豆腐是有分別的 喜歡食辣嘅可以沾一點麻辣辣椒乾 又麻又辣嘅口感好過癮台灣腸(蒜味) 台灣腸有香煎過 非常適合香港人口味 一啖香腸一啖蒜頭 味道互相配合 適合重口味人士 食完咁多咁刺激嘅嘢 叫番杯荔枝梳打飲下 頓時有種 透心涼嘅感覺 飲品唔會太甜 而且真係有一大粒荔枝果肉喺入面 真材實料整體餐廳食物多元化 有鍋物提供 而且有九款選擇咁多 仲可以追加