千代鶴 (已結業)

放工同朋友去銅鑼灣食晚飯見到呢間居酒屋感覺好吸引，我同朋友都想試吓居酒屋除咗有刺身、壽司、卷物、一品料理之外仲有串燒，即叫即燒，感覺好吸引呀！我同朋友主要食串燒為主推介四款串燒特別好味極上牛舌一定要試下牛舌軟腍得嚟夠爽口，加咗少少黑胡椒，更香口牛舌厚切，口感更豐富！豚肉露荀好多汁唔乾豚肉片卷住蘆筍，啖咬落去好juicy蘆筍清甜，配香口嘅豚肉卷，一試愛上！雞皮餃子喺日本居酒屋🏮常見嘅小食以雞皮取代傳統餃子皮，炸至金黃酥脆內餡多汁爽滑，口感軟嫩🤤雞小肉串都好好味雞肉嫩滑啖啖肉，煎香後更可口！