一瀧 (已結業)

早排同Fd子收工後一齊食好西🫶🏻去左間超靚好有江戶時代氣息嘅日式餐廳，牆身好似日本城堡d石咁，仲有勁多楓葉做裝飾，好有feel🤓❀菜之花螢光魷魚漬❀螢光魷魚飽滿多膏，口感爽脆，鮮甜帶有少少海水味。❀北海道海膽魚子伴松葉蟹肉❀賣相精緻，影相呃Like一流，松葉蟹肉份量較多，味道鮮美，配埋海膽+三文魚子食落好有層次感又惹味。❀鱈魚白子天婦羅盛❀有鱈魚白子、手釣沙稚魚、日本青椒仔，白子炸完後外脆內軟，入面超creamy；沙稚魚肉質細膩味道鮮甜。❀ A4宮崎和牛壽喜燒120g（2人前）❀有3大塊A4宮崎和牛，脂肪分佈均勻，好似雪花咁靚，食落肉質嫩滑又鮮甜，點少少蛋汁食已經超好味；蔬菜鍋入面有冬菇、金針菇、豆腐、大蔥、娃娃菜、芋絲等，好豐富食到好飽🥰❀一瀧布甸❀用左個玻璃蛋兜裝住，好似復活蛋咁好好笑😂布甸滑溜好有蛋香味，甜甜地。❀Bubble Ice Peach Tea ❀有個大泡泡咁幾岩打卡，冰茶幾清，有少少桃味，唔錯。