稻埕飯店 (V Point) (已結業)

放假黎到銅鑼灣同朋友食飯，決定食稻埕呢間新式台菜。從裝修上，已經感愛到佢嘅玩味，大紅大紫嘅霓虹燈配上櫻花樹、月亮等，有種神秘、華麗感覺。前菜方面有話梅小山藥，酸酸地嘅山藥好開胃。黎到豪啲食鮑魚，白滷水九孔鮑魚，爽甜鮑魚底下配滷水甜不辣。蟹肉蛋白泡泡脆米金湯係南瓜湯做底，再配蟹肉、蝦仁。最特別食蛋白泡泡，有空氣感，口感軟綿綿。本身蛋白冇味，用黎吸湯嘅鮮甜味一流。一同四人就點咗四個主菜。最鐘意同最有驚喜係黑松露鮮百合花。媽媽都簡中炒百合花，但係同瓜菜炒，口感係爽口。今次大大改變我對百合花嘅First impression。百合花原來可以咁綿身。味道上，有少少似卡邦尼，再加香濃黑松露。整體上唔似主菜，好似一個甜品，令人食完再食。主菜焦點係豪氣嘅鹽酥波士頓龍蝦脆角豆金瓜。鹽酥波士頓龍蝦好香口，配菜有米通、秋葵、南瓜。令一個香口、偏重口味係鐵板香煎一口鵝肝牛小排。鵝肝肥美，一咬油脂爆曬出嚟。鐵板牛小排根本冇可能唔好味。八斗子炒飯擺碟都有氣勢。大大隻炸虎蝦屹立係炒飯上。愈簡單嘅嘢愈考功夫，常見嘅炒飯就係。炒飯底極好，做到粒粒乾身同有鍋氣。用料十足，除虎蝦，仲有帶子、雞肉、蟹肉、蟹籽同肉類。蟹籽係神