海饌 - 海鮮牛扒餐廳 (Fashion Walk) (已結業)

今日同朋友去咗Fashion Walk搵食，見到呢間餐廳食物好多唔同選擇裝修又幾好，坐得舒服，所以入咗去食。🥗意大利布拉達芝士有機雜錦蕃茄沙律 芝士一啲都唔吝嗇，蕃茄又甜又fresh，配埋芝士係好好嘅appetiser。🌽脆炸有機甜粟米餅配芫荽青檸酸忌廉 炸得香脆粟米好甜有咬口。唔好見到芫荽就以為好臭，其實無乜芫荽味，個醬係酸酸地幾fresh。🥚脆炸蘇格蘭蛋配風腸及蒜蓉蛋黃醬 有四大粒入面流心蛋，炸得脆唔油膩，足料，加埋蒜蓉蛋黃醬好食惹味。🥩烤阿根廷牛薄裙肉配布拉達芝士及阿根廷青醬 鐘意食牛嘅牛梗係要試吓牛，牛薄裙肉係橫隔膜，口感鮮嫩帶有咬勁，食嘅時候有濃厚肉香。