泰濃麵 (蘭芳道) (已結業)

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️ Woohoo終於到happy weekend💃🏻🍻喺銅鑼灣行街又想食船麵，俾我搵到呢間「泰濃麵」就一於試試🙃 ⭕️ 頂級美國肥牛船麵：湯底又真係唔馬虎喎，味道香濃，感覺正宗，配埋煙韌嘅金邊粉，勁好掛湯🤤入面啲餸都好足料，新鮮山葵、魚蛋、炸豬皮、蘿蔔同半生熟嘅肥牛。⭕️ 泰式豬手飯：豬手份量十足，去哂骨啖啖肉😍炆得好腍好入味，加埋醬汁同酸菜送飯一流。⭕️ 泰式炸腩仔：五花腩脂肪分明，外層帶脆，炸得香口，有啲似豬頸肉😌再配上酸酸甜甜嘅特制醬汁額外惹味。⭕️ 泰式龍眼冰特飲：飲落清甜解渴，仲有好多粒龍眼果肉，好飲😋