金金日式燒肉店

營業中

休息中

鍾意食燒肉嘅話 唔一定要好似食放題咁chur😂 好似要將食物喺一兩個鐘倒晒落個胃咁 其實好辛苦 呢晚同朋友嚟咗呢間單點嘅日式燒肉店 可以輕輕鬆鬆咁一路傾 一路燒 都係個唔錯嘅體驗☺️櫻花龍蝦沙律豆腐食返個前菜開吓胃先😌 呢個豆腐加咗胡麻醬喺上面 已經好啱我胃口 再加埋面頭有龍蝦沙律🥗 個調味同豆腐好夾極上網燒一口牛非常推薦大家叫呢個🐮 佢每粒都係方形 size同形狀好適中 變咗好易控制火候🙊 半肥瘦嘅牛肉 燒完入面仲好juicy角切西班牙黑豚呢個味道叫七味芝士燒 黑豚粒面頭嘅白色粉係芝士粉嚟㗎🧀 呢個黑豚粒口感唔錯 燒完之後外面脆卜卜 入面有口感 都幾推介呢個🐷網燒雞腿肉呢個係川式麻辣嘅雞腿肉 每件都好厚切 而且有雞皮🐥 雞皮都可以燒得好香脆生牛肉石鍋飯呢個石鍋飯製作需時 但係都好值得等待 面頭有蛋黃 生牛肉粒粒 香菇絲 紅蘿蔔絲 翠玉瓜絲🥰 材料好豐富 打完卡之後 店員就幫我哋撈勻個石鍋飯😌 仲加咗啲辣醬 就算落晒成碟辣醬都唔會好辣㗎🌶️ 又幾惹味 呢個地點真係好方便 呢度仲有二人餐可以選擇 下次可以再食得豐富啲🫢 如果鍾意食飯焦嘅朋友一定唔可以錯過呢個石鍋飯🙈