金鶴拉麵 (澳門逸園中心) (已結業)

之前都有食過金鶴，不過係其他分店～今次銅鑼灣呢間環境唔錯，更設有私人嘅包廂，私隱度🆙🆙🆙 店員嘅服務更加係超好💯💯💯 🐥鹽燒雞中翼 燒得好乾身～雞皮嘅位置燒得香脆😋加少少🧂鹽調味，唔會過鹹～ 🦪黄金燒生蠔 蠔體型巨大，好肥美，建議加少少檸檬汁，我覺得可以減低用沙律醬焗嘅嘅罪惡感😆 活燒蒲燒鰻魚飯 鰻魚肉厚而且新鮮～肉質結實q彈😍燒嘅火喉控制得好好，邊邊嗰啲位燒出油香😋 ⚠️不過食嘅時候都要小心魚骨～如果想濃味啲可以加上佢地自家秘制鳗魚醬汁，會更加香口😚另外個湯都用咗鰻魚骨去煲，超有誠意☺️配菜會係芥辣🐙八爪魚 🍜極濃雞白湯拉麵 湯底雞味濃郁，質地偏稠～十分creamy😋麵質帶一點嚼勁（耐咗會變淋，所以要快啲食😆) 豚肉較有驚喜，比雞肉更嫩😳配上炸牛蒡絲、筍和木耳，口感豐富！ 推介指數：⚡️⚡️⚡️⚡️餐廳環境：⚡️⚡️⚡️⚡️服務態度：⚡️⚡️⚡️⚡️⚡️再訪：Yes