丼丼亭 (翡翠明珠廣場)

營業中

休息中

銅鑼灣一向都係餐廳集中地，基本上你想食咩菜式都可以搵到。而今次Festiva就進駐翡翠明珠廣場，之後每次嚟銅鑼灣真係大飽口福啦😍。而當中佢更有不同嘅餐廳例如丼丼亭、大家樂、米線陣、意粉屋等等，基本上日本菜、中餐、西餐樣樣都有，是但揀一樣都會啱你嘅口味。廣埸外已經睇到新進駐嘅餐廳，真係好吸引呀。而且佢個位置都係超級方便，銅鑼灣地鐵站行幾分鍾就可以去到。入到去Festiva你就會見到不同餐廳分佈，今次當然唔小得就去我鍾意食嘅丼丼亭啦。六式刺身盛丼丼亭六款日式刺身都非常之新鮮肥美，包括有三文魚、甜蝦、北寄貝等等立魚刺身口感爽彈，而且每片刺身份量都非常之多，加上壽司豉油一齊食更可增添咸鮮感覺，食起上嚟份外滿足。黑松露吞拿魚吞拿魚配上黑松露時已經份外名貴。而食時除了魚質嫩滑之外，更散發黑松露嘅香氣。雜錦天婦羅天婦羅即叫即炸，更配上天婦羅醬汁以及海藻鹽。以個人特別鍾意佢鮮蝦天婦羅，炸漿唔會太厚，而且內裏嘅鮮蝦相當新鮮食落非常彈牙，配上海藻鹽更加是一絕。