就是偏偏喜歡你 (已搬遷) 新店位置

餐廳：就是偏偏喜歡你地點：銅鑼灣耀華街3號百樂中心菜式：粉紅花花森林打卡樓上cafe餐牌：特色美食，四菜套餐，午市套餐，下午茶，二人套餐，湯，沙律，小食，漢堡包，意粉，主菜，甜品，飲品。落單用手機。芝士雞軟骨 $68 另加一芝士雞軟骨用左個心型兜上枱，仲有心心吸油紙，聞到好香芝士味。雞軟骨份量好多，又大大粒，面頭加上芝士醬同芝士粉，仲有香草。雞軟骨炸得外脆內又脆，味道鹹香，好好味。招牌M2慢煮10小時巨豬肋骨 $328 另加一呢個招牌M2慢煮10小時巨豬肋骨係招牌主菜，當然要試試，寫明不用鬆肉粉。巨豬肋骨一客四大件，真係巨型，好多肉食，肉質都算嫩，好易食。個燒汁好惹味，唔會太重口味。外皮少少濃面，仲灑上花瓣。下底有少少沙律菜伴車厘茄，加左海撒沙律醬。仲有薯條，炸得好脆，加上少少七味粉，少少辣。呢個主菜兩個人分剛剛好。入面果然周圍都滿佈花花，處處打卡位，入到去眼前一亮。服務員又會主動幫手揸機影相，又會較角度影相，好專業，服務頂呱呱。呢度都有道具可以拎住影相。入面有兩個鳥籠位，有興趣可能要預先留位。想食慶祝飯需要服務員幫手影相可以考慮呢度。