三川居酒屋 (已結業)

老公係灣仔返工，放工行完sogo見到呢間居酒屋幾特別，又有刺身又有串燒同熟食，決定入去醫下肚🎈 期間限定 時令刺身拼盤 每位$350有9款刺身：牡丹蝦、象拔蚌、帆立貝、木一鯛、大拖羅、赤身、鱸魚、銀鱈魚、時令生蠔個人最鍾意食銀鱈魚，油脂分布平均，口感同煮熟左嘅銀鱈魚好唔同；其次係象拔蚌，非常鮮甜爽口整體各款刺身都好肥美厚肉🎈明太子蟹肉醬焗蠔肉蘑菇批 $98完全唔知道大啡菇可以咁整，效果非常有驚喜，明太子、蠔肉同芝士同大啡菇味道好夾，焗完後依然多汁🎈串燒活白鱔 $88雖然只得3舊，但每舊大小一致，非常厚身，油脂飽滿🎈厚燒牛舌 $68必食！燒得岩岩好、厚過手掌嘅牛舌真係不得之了咁好味😋🎈串燒甜薯 $24比起牛舌同白鱔冇咁有驚喜，但甜甜地又唔會乾，相當唔錯值得一提嘅係餐廳內座位間隔做得好好👍🏻夠晒私隱度，唔會比隔籬枱望住晒餐廳：三川居酒屋位置：銅鑼灣軒尼詩道499號永光商業大廈地庫