花貝日本料理 (已結業)

銅鑼灣嘅 Omakase 之夜，於我而言，對抗挫敗感最好嘅方法係食餐好嘅去淨化下自己😫 唔少得嘅係要飲返杯 Sake 🤷‍♂️➽ 一個賞心悅目嘅頭盤，一式五款有爆汁蕃茄 、辣煮螺、白蝦刺身配黑魚子 、汁煮鮑魚配紫蘇葉 ，仲有安康魚肝。汁煮鮑魚出色👍➽ 前菜仲有白飯魚菜頭沙律，新鮮沙律菜配埋白飯魚獨特口感，入口每咬一下係有D層次感嘅。➽ 刺身項目係薄切真鯛，薄得嚟又感受到魚鮮，配山椒蓉更提鮮。➽ 和物先嚟燒和牛粒，脂肪比例極高但竟然唔會“漏” ，牛脂入口爆發，齒頰留香，揮之不去😍➽ 串燒一式五款，燒得啱啱好唔會“嚡”，雞肝、雞脾肉、雞屁股、雞皮、雞軟骨，食哂雞既每個位置，比起七里香嘅食法，串燒有另類乾爽感。➽ 天婦羅一式四款，蟹鉗、南瓜、茄子、青椒，松葉蟹鉗肉唔多，但體驗嚟講幾特別。➽ 海鮮鍋物主要食吸咗湯嘅菜，因為湯底係精華，件魚蛋都彈牙。➽ 最後以甜品以時令水蜜桃作結，甜唔算太甜，OK多汁，雪凍嘅日本桃係好食啲。