小曼谷泰國美食站

營業中

休息中

喺銅鑼灣想揾良心餐廳但食厭左西餐，就去左呢間泰國菜，以泰國餐廳黎講佢都幾有格調，唔知係咪叫美食站嘅緣故，佢嘅裝修以車站為主題，門口有個火車頭擺設同路牌，牆身有行李架同齒輪裝飾，當日仲有駐唱歌手唱泰文同英文歌添。🍽泰皇咖喱法包軟殼蟹麵包焗脆後挖空中間裝泰式咖喱，配料有紅椒、青椒、洋葱等，辣度唔高，成塊麵包浸滿汁食都無問題，軟殼蟹炸到脆卜卜又多膏，分量頗多，建議兩至三人分享。 🍽泰式馬拉盞炒通菜望落好似好多辣油咁但辣度適中，馬拉盞鹹香惹味，同爽脆嘅通菜好夾。 🍽小曼谷海南雞飯一開始見到全部都係雞胸有少少失望，但好彩食落都唔會鞋，個蒜蓉辣汁撈飯唔錯，另配芫荽湯可暖暖胃。