沙士亞印度餐廳

營業中

休息中

尋日我一個人去咗銅鑼灣維園行花展。去花展之前，我就嚟呢間由印度人主理嘅餐廳食lunch。入到去餐廳主要都係二人同四人枱，午市來講都算坐得舒適，唔使同人搭枱，或者膊頭貼膊頭咁坐。一望個餐牌，我簡直有選擇困難症，因為有好多種唔同嘅咖哩菜式揀呀！本小姐好鍾意食羊，所以最後都係揀咗咖喱羊肉嚟食。跟餐仲有小食，我就揀咗Tikka Chicken。叫完菜首先就俾咗兩塊脆餅，點薄荷醬同印色辣醬，小小辣、薄荷味又大美味嘅檸檬味，一食完就好開胃。到主菜加喱羊肉上菜，一嚟到就香氣四溢，聞到濃烈嘅羊味，完全冇比被咖喱蓋過。羊肉煮得非常之軟熟，一啲都唔韌，啖啖肉、黐住少少肥膏，香氣撲鼻。個咖喱汁非常正宗，辣得來又唔會令你要不停飲水，令我好飽嘅時候都仲搵跟餐嘅印度薄餅繼續點埋啲咖哩佢嚟食。而個Tikka Chicken燒得非常香口，雞肉好嫩，帶有陣陣rosemary嘅味道。結果，小女子將全部嘢食哂啊！買單連加一都只係＄66喺銅鑼灣來講，坐得舒服又好味嘅餐廳，呢間一定冇走雞！