影片
更多
2019-09-13
125 瀏覽
銅鑼灣SOGO對面嘅金百利廣場，基本上係想食咩就有咩，今日心癢癢想食泰國菜，就一於約埋朋友上去trytry「泰式食」～餐廳個裝修睇得出參考左唔少泰國當地嘅特色，例如有tuktuk，四面佛、玉象等，加上柔和燈光配合半自然採光，氣氛好似帶左你去泰國大自然、渡假瀨洋洋嘅下午時光咁。我地叫左個二人餐，包括小食、湯品、主菜同蔬菜各一款，仲送白飯添。睇圖都知道份量十足，希望唔會太飽食唔哂，變左泰「惜」食啦～跟住逐樣點評下：椰汁冰——香、濃、滑、順。椰汁味夠重，簡單粗暴地好飲。醃無骨鳳爪——酸味好夠，加埋少少辣，相當醒胃，配埋冰凍嘅溫度同爽脆口感，消暑一流。仲要去埋骨，非相適合好似我呢d lur骨懶人，作為前菜相當出色。冬蔭公湯——唔算好辣，酸甜辣鹹味調配得宜，相當經典嘅味道。配料份量夠，尤其係隻蝦，煮得啱啱好，爽口彈牙但又夠入味，唔似其他餐廳為左提高個湯濃度而煮到梅哂咁。飛天炒通菜——通菜係一個好好嘅載體，透過快炒將所有味道融入菜身。調味好有層次，蒜粒豆瓣醬辣椒各有千秋，加上鑊氣十足嘅調理，好食！海南雞——大約有半隻雞，份量幾多；雞肉嫩滑，又唔會唔熟，火候掌握得唔錯。雞味幾香，配埋微辛醬汁相當合拍
餐廳個裝修睇得出參考左唔少泰國當地嘅特色，例如有tuktuk，四面佛、玉象等，加上柔和燈光配合半自然採光，氣氛好似帶左你去泰國大自然、渡假瀨洋洋嘅下午時光咁。
我地叫左個二人餐，包括小食、湯品、主菜同蔬菜各一款，仲送白飯添。睇圖都知道份量十足，希望唔會太飽食唔哂，變左泰「惜」食啦～
跟住逐樣點評下：
椰汁冰——香、濃、滑、順。椰汁味夠重，簡單粗暴地好飲。
醃無骨鳳爪——酸味好夠，加埋少少辣，相當醒胃，配埋冰凍嘅溫度同爽脆口感，消暑一流。仲要去埋骨，非相適合好似我呢d lur骨懶人，作為前菜相當出色。
冬蔭公湯——唔算好辣，酸甜辣鹹味調配得宜，相當經典嘅味道。配料份量夠，尤其係隻蝦，煮得啱啱好，爽口彈牙但又夠入味，唔似其他餐廳為左提高個湯濃度而煮到梅哂咁。
飛天炒通菜——通菜係一個好好嘅載體，透過快炒將所有味道融入菜身。調味好有層次，蒜粒豆瓣醬辣椒各有千秋，加上鑊氣十足嘅調理，好食！
海南雞——大約有半隻雞，份量幾多；雞肉嫩滑，又唔會唔熟，火候掌握得唔錯。雞味幾香，配埋微辛醬汁相當合拍，送飯一流～
由於好想食豬頸肉，我地叫左一份，份量好似一塊豬扒咁大，太誇張啦掛～肉質燒到外脆內嫩，豬頸肉香味帶少少油香，就咁食都好惹味，配上甜酸辣醬汁中和油膩感，絕對值得推介！
由於份量比我地想像中多，幾經辛苦終於KO哂枱面嘅食物。原本仲有甜品送架，但實在食唔落，唯有下次再試～
張貼
