芝加哥串燒 (美豐花園) (已結業)

今日同老公約埋朋友一齊去左食芝加哥串燒酒場。E度串燒好多種類，海鮮、肉類、蔬菜都有勁多款選擇。Drink Menu除左alcohol drinks同啤酒之外，無酒精飲品都好多款👍🏻老公就揀左杯好colorful嘅Rainbow，一上枱好靚呀😍好甜好好飲，酒精味唔算好重。而我就嗌左杯Snow Ball，都係好香好甜，正串燒方面，我地叫左雞肉串，羊架，牛舌，雞腎，茄子，娃娃菜，韭菜，大蔥，菠蘿同鵝肝串燒調味好夠，味道岩岩好，好好食。我好鐘意食燒茄子。之後仲叫左2款大啡菇，啲菇燒到好juicy，一款係黑松露煙肉大啡菇，另一款係鵪鶉蛋煙肉大啡菇，兩款都好食另外仲有帶子同扇貝，落左黑松露，少少地又唔會遮哂啲海鮮味，好香好夾！至於大頭蝦、蟶子同鮫魚....都超好味松露迷一定唔可以錯過以下呢個松露薯條！你可以自由選擇要黑/白松露醬! 老闆一啲都唔孤寒，落左勁多醬，另外仲附上黑松露蛋黃醬同茄汁，任君選擇。至於個炸魷魚酥就有啲失望，炸到黑哂!