明星金閣海鮮酒家

營業中

休息中

因為同媽咪慶祝生日，佢想食長腳蟹，老公鐘意食片皮鴨，所以就上網搵到呢間，特登由北角去筲箕灣食，一早打去訂定，點知早一日收到電話話冇蟹番，有D失望不過都照去啦。一去到既感覺就覺得麻麻，可能因為星期日比較忙，連位都冇人帶，去到張檯好細，我地6個人好迫，我地嗌左7餸一湯，D野食hom hom聲咁黎，根本冇位擺，食得好有壓力，因為要食快D清D位出嚟。168一隻龍蝦仲有伊麵底係好抵既，味道係好既，我地曬左3隻，但佢分3碟上，更加冇位擺，最後我地食左少少就堆埋變一碟。乳豬嗌左4分1隻，80蚊有7舊，係靚同好味既。片皮鴨🆗生炒排骨炸得好脆，不過個粉係超厚，基本上係食粉多過肉蒜蓉粉絲蒸元貝同蟶子，元貝就有D乾，蟶子不過不失。蒜子莧菜一般，冇咩好講。粉葛赤小豆煲唐排湯煲得唔錯，湯渣D肉好林，唔係乾曬個D瘦肉。總結：食物其實還可以，性價比高既，但食得咁唔舒服，我自己就未必會再去。