谷媽媽小店

營業中

休息中

平時午餐都周不時有嚟呢邊食下，大坑都多唔錯既食肆俾銅鑼灣果邊番工既人選擇。呢間餐廳小店鋪位唔大，位置都唔係咁易搵到，不過都值得過嚟食個lunch 試下。餐廳午餐中式飯多，套餐主要50幾60蚊算平民。餐牌有滑蛋雞扒飯、糖醋排骨飯等客飯，今次我就叫左滑蛋蝦仁飯。個飯嚟到勁大碟，餸都好多。我另外轉左菜飯食，食落冇咁膩。佢既滑蛋蛋底夠厚，唔會食幾啖就冇曬蛋，蝦仁粒粒都大粒，配埋少少微甜既醬汁好好味。而且套餐有包埋豆漿，唔驚冇野飲。