影片
更多
2017-11-07
4126 瀏覽
這天是重陽節有人要去掃墓, 但我們家沒有這習慣,所以今天約了友人B到上址飲茶, 這裡好評頗多就相信眾人智慧, 來到皇后大道中上來才發覺大道中是後門,而正門在後面街- 樂古道, 整間酒家面積很大, 同現在的一般酒樓比較這裡是可以同美x皇宮的任何一間皇宮比較, 伙計當然係上咗年紀的居多, 雖然他們係年紀大咗d 但都算以禮待客, 唔似某一兩間左近的老牌子酒樓咁, 以惡劣態度見稱, 負面野唔講咁多嘞, 而留意到其中有個比較年紀大的長者雙手推住車仔見吉碟就收, 望真d佢唔使着制服架喎! 呢個重唔係老闆? 通常呢d似白手興家多嘞! 就算做咗老闆都唔會只坐喺度收錢,可想而知佢有幾珍惜佢自己份工, 或者係幾愛呢份工!不過我都係估估下啫! 茶客一係一家幾口來嘆茶又或然者係一條麻甩工友入來食個蒸飯嘆杯茶, 好大程度係呢度價錢夠經濟啦!跟同區比較空間感大坐得舒適, 茶位$7, $12.80/小點, $17.80/中點, $20.80/大點, $24.80/特點, 食的點心都係最一般嗰d, 試咗腸粉,皮太厚唔係好得, 燒腩仔已經凍咗,醃味的鹽落得太多連皮都幾咸下,只係算幾平$43, 好多地方都去到$48-50
蝦餃皇一籠四粒(特)味道ok,不過饀就只有蝦肉沒有其他的了, 好彩這蝦肉本身並不差, 爽口彈牙, 所以係值回票價, 山竹牛肉球(小) 咸點之中只有佢同咸水角係小點, 中規中舉啦,
而最後叫的义燒飽同雞飽仔, 兩樣本身沒有什麼期望, 出奇地兩個飽的外皮超鬆軟, 但不是化學皮那種鬆軟, 內饀亦豐富, 下次有機會要試埋奶皇飽同馬拉糕先得, 以今次觀察所得, 燒味湯瀨都相當受歡迎, 下次必試!
張貼
