影片
更多
2009-09-23
6 瀏覽
有一段時間好懶冇寫食評，但琴日去完Island之後，十分滿足，重新燃點起寫食評的心！琴日係兩口子嘅週年紀念日，當然要俾Ｄ心思好好慶祝一番。因為蠔癮起而揀咗Island，餐後發現原來除咗生蠔有質素外，其他食物都好令人驚喜！先講講環境，餐廳位唔太多，暗暗嘅藍燈令人好relax。客人多數都係一男一女，呢個氣氛之下大家講嘢都細細聲，感覺好舒服。服務方面，不論經理或者其他侍應都好有禮貌，笑容親切唔造作，服務貼心。例如每逢有女士起身去洗手間，都有侍應主動遞toilet key同帶路；另外就算加單都唔會亂咁上菜，好多低一級價錢嘅餐廳都唔會幫你咁做，可能真係一分錢一分貨。講返食物，我哋叫咗兩個dinner sets，每份都有頭盤、湯、主菜、甜品同餐飲：頭盤有3個選擇，可以揀生蠔3隻或龍蝦ravioli（第3個choice唔記得咗係乜...）。因為湯都有意大利雲吞，所以我哋兩個都揀生蠔。跟餐嘅係Irish Gigas，做得oyster bar，生蠔當然係好新鮮啦！不過蠔味稍為普通。意猶未盡，而且生蠔仲係做緊8折，都係追加多半打先！叫左美國嘅Eagle rock，澳洲嘅Tasmania同法國嘅Marenn
琴日係兩口子嘅週年紀念日，當然要俾Ｄ心思好好慶祝一番。因為蠔癮起而揀咗Island，餐後發現原來除咗生蠔有質素外，其他食物都好令人驚喜！
先講講環境，餐廳位唔太多，暗暗嘅藍燈令人好relax。客人多數都係一男一女，呢個氣氛之下大家講嘢都細細聲，感覺好舒服。
服務方面，不論經理或者其他侍應都好有禮貌，笑容親切唔造作，服務貼心。例如每逢有女士起身去洗手間，都有侍應主動遞toilet key同帶路；另外就算加單都唔會亂咁上菜，好多低一級價錢嘅餐廳都唔會幫你咁做，可能真係一分錢一分貨。
講返食物，我哋叫咗兩個dinner sets，每份都有頭盤、湯、主菜、甜品同餐飲：
頭盤有3個選擇，可以揀生蠔3隻或龍蝦ravioli（第3個choice唔記得咗係乜...）。因為湯都有意大利雲吞，所以我哋兩個都揀生蠔。跟餐嘅係Irish Gigas，做得oyster bar，生蠔當然係好新鮮啦！不過蠔味稍為普通。意猶未盡，而且生蠔仲係做緊8折，都係追加多半打先！
叫左美國嘅Eagle rock，澳洲嘅Tasmania同法國嘅Marennes。3款蠔味都比較重，而且都係一樣咁新鮮！兩口子鐘意比較creamy嘅蠔，可惜今次嘅Eagle rock就未能夠滿足我哋喇。3款入面Tasmania比較出色，除咗海水味重之外仲留有少少甘味，正！
之後上湯係清雞湯ravioli，雞湯清得嚟都幾香，加埋少少carrot絲好清新，配一隻雲吞，細細碗portion剛剛好。
主菜都有3個選擇，分別係鵝肝釀鵪鶉、紅酒燴羊膝同香煎澳洲紅衫，今次點嘅係前兩味。
羊膝煮得剛剛軟身，羊味唔太搶唔太羶，而且非常入味！另外再配一個薯蓉醬，好creamy食落仲有陣陣蛋香，極之好味！但係如果同個羊一齊食的話就會俾Ｄ羊味蓋過晒，所以都係分開食比較好！
另外個鵪鶉更加出色！鵪鶉本身嫩得嚟又厚肉多汁，好有肉味，相信就咁食都已經好好味！而家入面釀埋鵝肝令到佢更加香濃！最功妙嘅地方係廚師仲釀埋少少菠菜入去，中和咗肉同鵝肝嘅油膩感，感覺一Ｄ都唔滯唔漏！讚！
甜品選擇只有鮮果拼盤同chocolate mousse，生果係甜嘅不過份量好少，就算擺得幾靚都令人覺得有Ｄ晒氣！相比之下chocolate mousse就好好多，朱古力味好濃，太細杯有Ｄ唔夠喉！
除左餐茶之外我哋仲叫咗兩杯cocktails，不過味道只係普通，不值一提。
今次第一次嚟食真係好有驚喜，會係翻兜list三甲之一！見到大廚經常出出入入巡視，又偷睇到佢好嚴肅咁睇實廚房Ｄ人做野，咁嚴謹嘅態度一定係Island致勝之道之一。
多謝Island，重燃我心中的一團火！
張貼
