獅城星馬餐廳 (已結業)

平日既由環街道十分忙碌而且充滿人流，好難慢慢以發掘唔同既特色餐廳，所以我比較鍾意趁住人流相對較少既週未到中環週圍打探特色餐廳。今日誤打誤撞之下見到一間位於酒店內既星馬餐廳，午市餐牌充滿各式各樣新加坡特色名菜相當吸引。招牌麥皮蝦椰漿飯麥皮蝦係新加坡名菜入面其中一樣我最鍾竟既美食。香港好少食到呢道菜之餘夜好少做到出有新加坡風味道既麥皮蝦，今日終於係呢一間獅城餐廳揾到新加坡既味道。麥皮蝦採用大蝦，肉質彈牙富蝦香味，蝦頭內充滿蝦膏。麥皮蝦外炸漿薄脆均匀，不油膩。大蝦沾上炒得金黃既麥皮，連蝦殼一齊食更香脆惹味，充滿牛油香。椰漿飯帶淡淡椰漿香味，唔會過甜膩之餘又夠香。怡保白咖啡味道帶淡淡烘焙香味相比普通咖啡無咁嗆及甘苦，偏重奶香，入口奶味香醇及順滑。