影片
更多
2022-09-28
610 瀏覽
呢一間餐廳係我返轉頭食過四五次嘅一間餐廳你從來冇諗過喺重慶大廈唔係食咖喱，而係食非洲Crossover西式今次同三個舊同事聚會，而佢哋又諗唔到食咩，所以我推介左佢哋食呢一間。你唔好見重慶大廈，好恐怖咁樣，其實佢只係得個樣，入到去只係需要上一層樓梯就會搵到佢。老闆係非洲人，而老闆娘係香港人。佢哋嘅對客友善之道非常之好。所以我好鍾意去呢間餐廳。佢哋訂咗6:00，跟住我哋叫咗四樣嘢。豆腐沙律呢個係我次次都會叫既一個沙律，佢嘅豆腐再加埋佢新鮮嘅生果真係好好食，可以話係一個餐前小食。烤焗完條魷魚因為我哋太肚餓，所以唔記得影相，但係呢個我第一次食我都覺得好好食佢，佢嘅炸粉做得好好，食落有少少辣，而佢果醬點完啱啱好中和返個辣味，佢仲要有少少後勁嘅辣。澳洲草字牛肉眼扒（ 12安士）佢個牛五成熟，真係好好食，外脆內軟我哋叫五成熟，佢真係俾咗5成我，出邊好多餐廳，就算我叫五成熟上到枱都會去到七成熟，而且佢啲薯條真係好好食，啱啱炸起，真係超正。地中海雜錦海鮮濃湯*推介🤤🤤（需要請一日預訂）而呢個湯係我值得推介嘅一樣嘢。佢啲海鮮全部都係新鮮，喺街市買返嚟。呢個湯唔係Hea。佢每一啖飲落去佢有好濃郁嘅蕃茄味，而
你從來冇諗過喺重慶大廈唔係食咖喱，而係食非洲Crossover西式
今次同三個舊同事聚會，而佢哋又諗唔到食咩，所以我推介左佢哋食呢一間。
你唔好見重慶大廈，好恐怖咁樣，其實佢只係得個樣，入到去只係需要上一層樓梯就會搵到佢。老闆係非洲人，而老闆娘係香港人。佢哋嘅對客友善之道非常之好。所以我好鍾意去呢間餐廳。
佢哋訂咗6:00，跟住我哋叫咗四樣嘢。
豆腐沙律
呢個係我次次都會叫既一個沙律，佢嘅豆腐再加埋佢新鮮嘅生果真係好好食，可以話係一個餐前小食。
烤焗完條魷魚
因為我哋太肚餓，所以唔記得影相，但係呢個我第一次食我都覺得好好食佢，佢嘅炸粉做得好好，食落有少少辣，而佢果醬點完啱啱好中和返個辣味，佢仲要有少少後勁嘅辣。
澳洲草字牛肉眼扒（ 12安士）
佢個牛五成熟，真係好好食，外脆內軟
我哋叫五成熟，佢真係俾咗5成我，出邊好多餐廳，就算我叫五成熟上到枱都會去到七成熟，而且佢啲薯條真係好好食，啱啱炸起，真係超正。
地中海雜錦海鮮濃湯*推介🤤🤤（需要請一日預訂）
而呢個湯係我值得推介嘅一樣嘢。
佢啲海鮮全部都係新鮮，喺街市買返嚟。
呢個湯唔係Hea。佢每一啖飲落去佢有好濃郁嘅蕃茄味，而且溝埋啲海鮮令到個蕃茄湯升華咗，再加上佢係每日喺街市睇吓有啲乜嘢新鮮嘅海鮮而去決定用咩海鮮去製作呢個湯。所以可以話次次都有驚喜。今次佢用咗新鮮嘅海蝦，帶子，青口仲有勁大粒嘅蜆。每次去到我都一定會嗌嘅一個濃湯。
加納雞肉長通粉
呢個係我第一次叫。我冇諗過佢個雞肉係勁滑
其實我哋飲完個湯，已經好飽。我哋有眼闊肚窄，但係個長通粉果醬有少少酸味，令到我好開胃食下食下就唔覺食多咗。我又唔知要做幾多運動先先可以彌補到😂😂😂。
飲品
非洲涼茶 - 呢個一定要是酸酸甜甜非常之開胃
花茶配加納蜂蜜- 佢有得揀幾款茶，分別有薄荷，洋甘菊，薰衣草，同埋野莓。佢個蜜糖真係好清甜，令到你好似成個蜜蜂巢飲咗落肚，飲到非洲嘅味道。
總結
呢間餐廳如果每一次有聚會，我都會一定會去
仲有佢哋會有私房菜，如果有朋友想喺佢嗰度食一餐好食嘅西餐私房菜，不妨可以問一問佢。另外佢仲有做非洲辣雞煲之前試過去過雞煲真係好好食，食完攞嚟打邊爐簡直一流。
張貼
