Greyhound Café (ELEMENTS圓方) (已結業)

圓方食野出名貴，今日平日午飯就黎試呢間greyhound，中午時間十二點到唔多人，唔洗等位可以直接入。今日同朋友都叫左個satisfying lunch，如果thai express lunch岩食既話好似抵食啲，湯同沙律都唔值$30 。沙律份量適中，菜有少少甜，但我下次會嗌少醬或走醬，係廉價沙律醬味。有個朋友點左冬陰功湯河，幾好食，酸酸地一啲都唔辣，夠熱，但份量比較細，過多兩三個鐘就肚餓要食個杯面。我叫左炒金邊粉，好惹味，應該落左唔少味精，但我都係重口味人士，不過落糖太重手，一食就覺得甜。金邊粉唔會油，雞肉份量適中，但無咩味。如果唔食得辣，千奇唔好掂到啲䉺色粉。朋友食既咖哩，好重奶味，都係重口味惹味，份量好大，女仔可見少飯！