醉藥雞 (啟志樓) (已結業)

今次👦🏻話要做一個雞湯麵Battle！第一站就係要試下荃灣/深水埗嘅醉藥雞，評分幾好👍🏻，仲唔覺意食左個全雞餐🤣，呢間係值得Encore嘅！🌟砂鍋雞湯翅雞湯用多種材料烹餚至奶白色，入口微微帶點張口，調味剛剛好，雞味濃郁又帶點金華火腿嘅咸香。重點飲完唔口渴，保溫功夫亦做得好。至於雞件就比左雞脾肉，肉質鮮嫩。魚翅有啲一梳梳，有啲似翅頭翅尾，有啲質感就重膠質有啲似花膠。整體係非常滿意嘅雞湯米線🍜。🌟砂鍋醉藥翅(煮雞酒)秋天最岩適合食養生藥膳料理補身，依個米線既煮雞酒食得出米酒，花雕酒同糯米酒既味道，食完完全感受到行氣活血。雞件亦夠鮮嫩，大大啖多肉，值得推介。🌟藥膳酒浸雞子勁多雞子，配上蓮子准山杞子等中藥，藥味香濃亦夠香甜，而雞子都夠入味。🌟花雕冰醉雞呢到嘅花雕醉雞非常特別，係落咗桂花蜜🌼，味道非常芳香，醉汁係偏甜少少🤏，不過花雕酒味就唔會比桂花掩蓋著。雞煮熟就浸冰水，所以可以食到平時海南雞先見到嘅啫喱層。雞皮爽脆，雞肉亦煮得剛剛熟夠滑嫩🥰。🌟溏心醉蛋跟麵餐+$10就有一隻溏心醉蛋，橙心🧡嘅蛋黃溏心效果不俗，略嫌唔夠入味。