影片
更多
2023-04-03
773 瀏覽
好耐無食放題，今次揀咗旺角嘅大瀛喜試下。平日夜晚8點半入座$248，任食2小時，都幾抵！一入門口就有自助區同飲品櫃，自助區有涼拌小食、沙律、水果、湯、雪糕、凍海鮮等等，算係幾多選擇。飲品櫃都好多嘢揀，第一次見放題有apple cider，朋友即刻拎咗，我就揀返平時飲開嘅解茶同冷泡茶。刺身拼盤第一round叫咗少量刺身，三文魚、虎蝦同帶子。三文魚幾厚切，好肥美；虎蝦同帶子都好鮮甜。壽司點咗幾款壽司，比較鍾意灸燒，推介左口魚邊。壽司都係少飯細細粒，唔怕食得太多飯會飽。金湯酸菜魚見到有酸菜魚，即點一份試下！估唔到放題嘅酸菜魚質素都好唔錯，二人份量有好多塊魚片，魚肉軟滑無骨，湯底酸辣，唔會無味，仲有少量萵筍、娃娃菜同薯粉，必食！燒物好推介呢度嘅燒物，叫咗好多款試。西京燒銀鱈魚、羊鞍、牛舌、芝士蝦、燒蠔、燒茄子、脆肉瓜、雞軟骨等等。最鍾意食銀鱈魚，encore咗3次，平時lunch一個定食都過百蚊，呢度任食好抵呀！而且魚油豐富，點埋沙律醬一齊食very good！燒蠔都好唔錯，燒完唔會好細隻同乾，仲係好juicy, 配埋醬汁一齊食好惹味！記住燒物要即刻食，凍咗就無咁好食架啦。磯煮凍鮑魚鮑魚好好食
一入門口就有自助區同飲品櫃，自助區有涼拌小食、沙律、水果、湯、雪糕、凍海鮮等等，算係幾多選擇。飲品櫃都好多嘢揀，第一次見放題有apple cider，朋友即刻拎咗，我就揀返平時飲開嘅解茶同冷泡茶。
刺身拼盤
第一round叫咗少量刺身，三文魚、虎蝦同帶子。三文魚幾厚切，好肥美；虎蝦同帶子都好鮮甜。
壽司
點咗幾款壽司，比較鍾意灸燒，推介左口魚邊。壽司都係少飯細細粒，唔怕食得太多飯會飽。
金湯酸菜魚
見到有酸菜魚，即點一份試下！估唔到放題嘅酸菜魚質素都好唔錯，二人份量有好多塊魚片，魚肉軟滑無骨，湯底酸辣，唔會無味，仲有少量萵筍、娃娃菜同薯粉，必食！
燒物
好推介呢度嘅燒物，叫咗好多款試。西京燒銀鱈魚、羊鞍、牛舌、芝士蝦、燒蠔、燒茄子、脆肉瓜、雞軟骨等等。
最鍾意食銀鱈魚，encore咗3次，平時lunch一個定食都過百蚊，呢度任食好抵呀！而且魚油豐富，點埋沙律醬一齊食very good！
燒蠔都好唔錯，燒完唔會好細隻同乾，仲係好juicy, 配埋醬汁一齊食好惹味！記住燒物要即刻食，凍咗就無咁好食架啦。
磯煮凍鮑魚
鮑魚好好食，肉質爽甜唔會靭，encore之選！
雪糕
雪糕都算多選擇，仲有自助軟雪糕機。由於太飽，淨係食咗兩款韓國雪糕，蜜瓜雪條一直都咁好食，迷你雪糕批細細條，入面係雲呢拿雪糕，唔會太甜。
食足2個鐘，非常之滿足！久違一次食放題，發覺多咗一啲選擇，例如酸菜魚，食物質素感覺比以前好，而且精緻啲。埋單唔使$300，係性價比高嘅放題呀～
張貼
